Откако им пропадна шверцерскиот обид за електронско гласање, без каква било контрола, сега се обидуваат да наметнат гласање по пошта, повторно без никаква контрола и безбедносни гаранции за слободната волја на граѓаните, се наведува во соопштение на СДСМ.
Од опозициската партија велат дека на Мицкоски не му е важна реформската агенда, туку според нив, тоа му е само параван за изборен грабеж.
-Лага е дека СДСМ е против гласањето на дијаспората, бидејќи иселениците гласаат и сега. Ние сме против модел кој отвора врата за изборен грабеж и манипулација со гласовите на 200 илјади граѓани од дијаспората. Власта категорично одбива ДИК со консензус да ги регулира овие процедури. Ако целта им е фер избори, зошто бегаат од механизми за контрола и доверба во процесот? СДСМ нема да дозволи изборен грабеж, власта треба да се повлече од овие намери и да достави нов предлог каде ДИК со консензус би да го регулира гласањето на дијаспората, велат преку соопштение од Центарот за Комуникации на СДСМ.