Државниот јавен обвинител Ненад Савески денеска изрази жалење за одлуката на неговата колешка Ленче Ристоска да се повлече од функцијата, нагласувајќи дека за нејзината оставка дознал преку СМС порака. Савески децидно тврди дека одлуката за отповикување на нејзините овластувања не е насочена против неа лично, туку е дел од нова организациска поставеност за поголема ефикасност.
Обвинителот упати апел до јавноста и политичките субјекти да не го загрозуваат угледот на институцијата.
„Очекував дека Ристоска со своето драгоцено искуство ќе даде придонес кон зајакнување на капацитетите, особено како обвинител за врски со Европравда. Моите одлуки се во насока на гарантирање на независноста на Обвинителството, а не се лична пресметка“, изјави Савески.