Првиот заменик на Претседателот на Владата и министер за европски прашања, Беким Сали, денеска присуствуваше на Научниот саем 2026 година, организиран од Меѓународните училишта „Маариф“ во Тетово.
Во своето обраќање пред присутните, Сали потенцираше дека науката и иновациите се основните столбови на кои се потпира економскиот напредок на земјата.
„Денес, повеќе од кога било, економскиот напредок зависи од човечкиот капитал и способноста идеите да се претворат во конкретна вредност. Ваквите настани се доказ дека имаме генерации кои се подготвени да ја градат иднината,“ истакна Сали.
Министерот подвлече дека овој саем е значаен бидејќи овозможува презентација на младински идеи кои претставуваат мост помеѓу образовниот систем и бизнис секторот.
Тој додаде дека стратешки приоритет на државата останува поддршката за иновациите, бидејќи преку инвестиции во младите се трасира патот кон европската иднина.
На самиот крај, Сали упати честитки до организаторите и им посака успех на сите млади учесници на саемот.