Американскиот државен секретар Марко Рубио денеска изјави дека САД очекуваат воената операција во Иран да заврши во рок од неколку недели, а не месеци.
Рубио, по состанокот на министрите за надворешни работи на Г7 во Франција, рече дека САД се на дофат да ги остварат планираните цели во Иран.
Тој истакна дека секое постојано наплаќање на преминот за бродови низ Ормуската Теснина би било неприфатливо, наведувајќи дека Иран би можел да одлучи да воспостави систем на наплата на таа пловна рута.
– Не постои ништо што Русија го прави за Иран што би ја попречило или влијаело на американската воена операција во таа земја – рече Рубио, одговарајќи на прашањето за врските меѓу Москва и Техеран.
На прашањето за можноста за американска копнена инвазија на Иран, Рубио рече дека САД можат да ги постигнат сите свои цели и без копнени трупи, но дека на американскиот претседател Доналд Трамп секогаш ќе му бидат понудени опции да се приспособи на непредвидени околности, доколку тие се појават.
Коментирајќи дали членките на Г7 претходно се обврзале на состанокот дека ќе ја користат својата војска за заштита на Ормуската Теснина по војната со Иран, Рубио одговори дека мисли оти сите членки соопштиле дека ја разбираат потребата за тоа.
– САД секогаш ја сметаа меѓународната коалиција за протокот како постконфликтна нужност – наведе Рубио.
Според него, САД се подготвени да бидат дел од коалицијата за протокот, како и дека ги охрабриле другите земји да учествуваат во неа.