Македонска академија на науките и уметностите денеска ќе го одржи своето редовно годишно собрание, на кое ќе се разгледуваат активностите и постигнувањата на Академијата во изминатиот период, како и насоките за нејзиното понатамошно делување.
Собранието ќе започне со експозе на претседателот на МАНУ, Живко Попов, кој пред членовите на Академијата ќе даде осврт на реализираните научни, истражувачки и уметнички активности, како и на проектите и иницијативите што институцијата ги спроведувала во текот на изминатата година.
На седницата се очекува академиците да дискутираат и за идните приоритети на Академијата, со акцент на унапредување на научната и уметничката дејност, јакнење на меѓународната соработка и поддршка на истражувачките проекти од значење за развојот на државата.