Расте бројот на жртвите во несреќата во која падна покрив на познат ноќен клуб: Извлечени 44 тела, 146 повредени

Бројот на загинатите во трагедијата во познатиот клуб Џет сет во Доминиканската Република се искачи на 44, додека 146 лица се повредени, јавија локалните медиуми.

Националниот институт за форензички науки на Доминиканската Република (Инациф) објави дека од 44-те тела кои пристигнале по уривањето на покривот на дискотеката Џет Сет, само шест досега биле идентификувани од членовите на семејството.

Според извештаите од местото на настанот, бројот на членови на семејството кои доаѓаат во потрага по информации за своите најблиски постојано расте.

Познат пејач пееше под урнатините за да им помогне на спасувачите да го лоцираат: Во тек е драматична операција за спасување

Познат пејач пееше под урнатините за да им помогне на спасувачите да го лоцираат: Во тек е драматична операција за спасување

Меѓу жртвите, според списокот што го објави Инациф, се: Паулино Лоренцо, Емилио Солис Енкарнасион, Педро Леонардо Сепеда, Рамон Алберто Сантара, Индира Диста Мендез и Анјурис Александре Виња.

Меѓу загинатите се и Хектор Буенвенидо Пегуеро, Каролина Перез Флорес, Даниел Таверас Поланко, Луис Емилио Гилен, Маргарита Робл и Јарис Франциско Олгуин Аријас.

Спасувачки операции

На местото на несреќата се испратени десетици амбулантни возила и единици од Центарот за вонредни ситуации (ЦОЕ), Националната полиција, Националниот систем за итни случаи и безбедност 911, пожарникарите, Цивилната заштита и Министерството за одбрана, каде наизменично се менуваат сцените на болка и очај.

Според директорот на СЕ, во операциите учествуваат повеќе од 200 спасувачи, а властите нагласуваат дека потрагата ќе продолжи се додека не се најдат сите луѓе погодени од уривањето на покривот во дискотеката, која е многу популарна во понеделник навечер и често ја посетуваат локални јавни личности.

Трагедијата се случила додека пејачката Руби Перез настапувала на сцената, кога се урнал покривот и ги покрил луѓето во клубот.