Во текот на септември 2026 година во земјава биле евидентирани вкупно 136.305 туристи кои оствариле 264.370 ноќевања, објави Државниот завод за статистика.
Според структурата на посетителите, странските туристи сочинуваат 75,1 процент од вкупниот број, додека домашните учествуваат со 24,9 проценти. Кај ноќевањата, 66,2 проценти се реализирани од странски, а 33,8 проценти од домашни гости.
Гледано по земја на потекло, најбројни во септември биле туристите од Турција со вкупно 27.933 посетители. По нив следуваат туристите од Србија со 8.358, Германија со 6.633 и Полска со 4.656 гости.
Податоците за периодот јануари – септември 2026 година покажуваат вкупно зголемување на бројот на туристи за 3 проценти во споредба со истиот период минатата година. Во овие девет месеци, бројот на домашни туристи пораснал за 2,8 проценти, а на странските за 3 проценти.
Во истиот деветмесечен период се бележи и раст на бројот на ноќевања за 3,5 проценти, при што кај домашните туристи зголемувањето изнесува 2,4 проценти, а кај странските 4,6 проценти.