Денес во Центарот за управување со кризи беше направен значаен исчекор во насока на унапредување на правата и положбата на вработените, како и зајакнување на институционалниот интегритет.
Директорот на Центарот за управување со кризи, г-дин Мухамед Али потпиша колективен договор со синдикалните организации, со кој вработените се поставуваат во центарот на вниманието како клучен столб на функционирањето на институцијата.
„Со овој договор се овозможува поконзистентно и поправедно вреднување на трудот, како и унапредување на професионалното достоинство и мотивација на вработените.
7% зголемување на платите со мартовската плата во 2026 година
7% зголемување на платите со мартовската плата во 2027 година
7% зголемување на платите со мартовската плата во 2028 година
Договорот е резултат на конструктивен социјален дијалог и институционална координација, потврдувајќи дека преку партнерски пристап се постигнуваат одржливи и правични решенија.
Овој чекор претставува значаен придонес кон градење на посилен и поефикасен институционален систем, во служба на граѓаните“, соопштија од ЦУК.