Во јужниот дел на германскиот град Келн во тек е голема полициска операција по вооружен инцидент што се случил во кафуле.
Инцидентот се случил во угостителски објект на улицата „Бонер“, каде што полициските екипи при увидот пронашле неколку дупки од куршуми и потрошени чаури.
Полициските сили веднаш го блокираа и опколија целото подрачје и во моментот интензивно трагаат по лицето кое ги испукало истрелите.
Засега не се познати мотивите кои довеле до пукањето, ниту пак дали вооружениот напаѓач дејствувал сам или имал помагачи.
Од полицијата сè уште нема официјална потврда дали во инцидентот има повредени или загинати лица. Повеќе детали за случајот се очекуваат по завршувањето на првичната истрага и теренскиот увид.