На 08.02.2026 во 10:15 часот кај место викано „Црници“ во атар на село Степанци, општина Чашка, полициски службеници од Полициско одделение Чашка ги лишиле од слобода В.К.(57), И.Т.(51) и Б.Н.(77), сите од Прилеп.
При вршење службени дејствија, полициските службеници ги забележале лицата како излегуваат од патничко возило „лада нива“ со прилепски регистарски ознаки, а лицето кое го управувало возилото испукало неколку истрели од огнено оружје, по што се оддалечиле од местото.
По преземени мерки, возилото и лицата биле пронајдени и при извршен преглед од И.Т. биле одземени малокалибарска пушка „брно“, 14 неиспукани куршуми и три чаури од малокалибарско оружје, 14 куршуми карабинска муниција и три чаури и куршуми калибар 12мм од ловечка пушка без соодветна документација, детектори и други предмети.
Додека, од Б.Н. биле одземени пиштол „застава“, рамка со седум куршуми калибар 9мм без соодветна документација и останати предмети. Тие биле задржани во полициска станица, известен бил јавен обвинител и по целосно документирање на настанот ќе бидат поднесени соодветни пријави.
- Срушена родната куќа на Харис Џиновиќ
- СДСМ: Потфрли Панче Тошковски, потфрли МВР – Бараме оставка
- Иранскиот генерал Хејдари се закани – „Ќе ги натераме САД горко да зажалат“
- Нема температури под нулата – УХМР најавува што не очекува деновиве
- Српската пејачка го фатила сопругот со љубовница: Ја фрлив во река – татко ми ме пречека со пушка кога се разведов
- Денот станува подолг – Наскоро ги поместуваме стрелките на часовникот
- „Имам став“ – Средношколци денеска во Собранието
- Жена ограбена на автобуска во Скопје
