Утринава во земјава се измерени температури во интервал од 0 до 7 степени. Најниска температура од 0 степени е регистрирана во Берово, 1 степен во Лазарополе и на Попова Шапка, 3 во Струмица, 4 во Крива Паланка, Охрид, Битола, Демир Капија и Маврови Анови, 5 во Тетово, Прилеп, Крушево, Велес, Кавадарци и Гевгелија, 6 во Скопје-Петровец, Штип и Виница, и 7 степени во Скопје – Зајчев Рид, соопшти Управата за хидрометеоролошки работи.
На Попова Шапка снежната покривка изнесува 72 сантиметри.
Времето денеска ќе биде променливо облачно, со повремен локален дожд и услови за изолирана појава на ретки грмежи. Ќе дува слаб до умерен ветер, а долж Повардарието повремено ќе се засилува ветерот од северозападен правец. Максималната температура ќе се движи од 11 до 17 степени.
Во Скопје се очекува променливо облачно време со повремени слаби врнежи од дожд и слаб до умерен северен ветер. Максималната температура ќе достигне до 14 степени.