Иранскиот генерал Киомарс Хејдари упати остра порака до Вашингтон, нагласувајќи дека Иран е подготвен за војна без оглед на нејзиното траење. Хејдари, кој е заменик-командант на Централната команда „Хатам ал-Анбија“, изјави дека иранските сили нема да сопрат сè додека не им нанесат „тешки удари“ на Соединетите Американски Држави.
„Не ни е грижа колку дена ќе трае оваа војна“, порача генералот преку агенцијата „Тасним“. Тој потсети на осумгодишната војна од 1980-тите, велејќи дека Иран има искуство со долготрајни судири и дека војната ќе заврши само кога непријателот ќе ја изгуби сета надеж за својот „срамен чин“.