Најмалку четири лица, претежно ученици, се повредени во вооружен напад што се случи пред средното стручно и техничко училиште во Тургутлу, во турската област Маниса.
Канцеларијата на гувернерот ја потврди информацијата за пукотницата и ангажирањето на полициските и медицинските екипи на терен. Според извештаите на Хабертурк, напаѓачот пукал од пушка кон учениците кои пристигнувале на настава. Засега мотивите за овој напад не се познати.
Настанот ја отвора сериозната безбедносна дебата во Турција, особено по серијата инциденти од пред пет месеци. Тогаш, во рок од два дена беа забележани масовни напади во училиштата во Кахраманмараш и Сиверек во кои животите ги загубија десетици лица, а десетици беа ранети.
Како одговор на тие случувања, турското Министерство за образование воведе нови безбедносни протоколи, кои опфаќаат построга контрола на пристапот до училиштата и зголемена превентивна соработка меѓу институциите.