Граѓаните отсега ќе можат уште полесно да се информираат за степенот на загаденост преку новата мобилна апликација на МЖСПП. Апликацијата е достапна за корисниците на Android и iOS, а линковите за преземање се поставени директно на официјалниот веб-портал.
Системот е усогласен со најновите европски стандарди за мерење, што овозможува прецизна споредба на квалитетот на воздухот во Македонија со останатите европски метрополи. Покрај моменталните состојби, новиот систем овозможува и длабински годишни анализи, што е клучно за долгорочно планирање на мерките за заштита на животната средина.