Три лица го загубија животот по напад со нож и пожар во слаткарница во јапонскиот град Мотосу.
Инцидентот се случил синоќа околу 21 часот во слаткарницата „Sunrise“, објави денеска „Japan Times“.
Полицијата била алармирана од лице од местото на настанот, кое пријавило избодено лице, распрскан бензин и избувнување на пожар.
Во објектот во тој момент се наоѓале вкупно 11 лица, меѓу кои жена во шеесеттите години и нејзини познаници.
Пожарот бил целосно изгаснат по три часа интервенција, при што изгореле околу 300 квадратни метри од двокатната зграда.
Локалните власти соопштија дека на местото на настанот се пронајдени две тела, додека уште три лица биле пренесени во болница, каде кај едно од нив подоцна била констатирана смрт.
Полицијата се сомнева дека еден од присутните во објектот бил вмешан во нападот и подметнувањето на пожарот.
Јапонските медиуми објавија дека трагедијата се случила во период кога слаткарницата одбележувала 20 години од своето работење.