Остатоци од авионот на „Пан Ам“ (Pan Am) кој се урна во морето покрај Порторико во 1952 година, беа пронајдени на дното на океанот по точно 74 години.
Откритието е резултат на заедничка соработка помеѓу Фондот за воздухопловно/морско наследство, емисијата „Експедиција непозната“ на Discovery Channel и компанијата Deep Sea Vision.
Авионот „Clipper Endeavor“ полетал од Сан Хуан за Њујорк на 11 април 1952 година, пренесувајќи 64 патници и пет члена на екипажот.
Кратко по полетувањето, двата десни мотори откажале и леталато се урнало во океанот, при што загинале 52 лица, додека 17 ја преживеале несреќата.
Остатоците од авионот модел „Douglas DC-4“ беа лоцирани со помош на автономно подводно дронче на длабочина од околу 600 метри.
Трупот на авионот бил скршен на два дела, но истражувачите потврдија дека карактеристичното лого на крилото и името на авионот се сè уште јасно читливи.
Фондот за воздухопловно/морско наследство веќе соработува со владата на Порторико за заштита на местото и поставување споменик во чест на жртвите.
Од надлежните организации соопштија дека веќе стапиле во контакт со семејствата на жртвите, како и со двајцата преживеани кои се сè уште живи.