Владата и Министерството за одбрана денеска во касарната „Страшо Пинџур“ во Петровец ќе претстават 17 нови лесни оклопни возила „страјкер“, набавени од Соединетите Американски Држави.
Според најавите, станува збор за дел од договорот со САД за опремување на Армијата со лесни оклопни возила. Во рамки на соработката се реализираат два договора на принципот „Влада со Влада“, кои ги опфаќаат возилата од типовите JLTV и STRYKER.
Досега се испорачани сите 96 возила JLTV, додека денеска ќе бидат презентирани првите 17 од вкупно предвидените 42 возила „страјкер“.
На настанот ќе присуствуваат премиерот Христијан Мицкоски, министерот за одбрана Владо Мисајловски, началникот на Генералштабот, генерал-мајор Сашко Лафчиски, заменик-шефот на Мисијата на Амбасадата на САД, Никол Варнс, како и високи воени претставници.
Предвидено е изјава за медиумите да даде премиерот Мицкоски.