Министерството за внатрешни работи информира дека денеска во повеќе општини беа спроведени превентивни активности за безбеден сообраќај и спречување кражби.
Во Велес, Неготино, Делчево и Свети Николе, полициски службеници од Отсекот за превенција и ПС БПС при СВР Велес, ОВР Неготино и СВР Штип реализираа превентивни активности „Не користи мобилен телефон додека возиш“ и „Користи сигурносен појас“ во чии рамки на граѓаните им беше укажано за ризикот од користење мобилен телефон за време на управување со возило и обврската за користење сигурносни појаси во возилата, која се однесува на возачите, но и на патниците во возилата.