Претстојната сабота православните верници ја одбележуваат Задушница, ден во кој Црквата и верниците се молат за покој на душите на починатите. Овој ден е секогаш во сабота, бидејќи токму саботата е денот што Црквата го одредила за спомен на сите упокоени.
Црквата пропишала посебни денови – задушници, четирипати годишно, кога верниците се молат за покој на душите на починатите.
Задушница е секогаш в сабота, ден што црквата го одредила за помен и молитва за упокоените. На задушница се оди во црква каде што се служи литургија и парастос. На овој ден се посетуваат гробиштата каде што со молитва, пченица и лепче осветено со црвено вино се изразува помен за починатите.
На Задушница верните им даваат милостина на сиромашните во име на покојните и се молат за покој на нивните души.