Американскиот претседател Доналд Трамп упати јасно и одлучно предупредување до својот израелски сојузник, Бенјамин Нетанјаху, во обид да спречи глобален енергетски колапс. Трамп откри дека во директна комуникација со израелскиот премиер побарал воените операции против Иран да ги заобиколат стратешките енергетски извори.
Трамп во заштита на глобалната економија
Од позиција на прв човек на САД, Трамп нагласи дека неговиот приоритет е стабилноста на пазарот и спречување на нов бран инфлација што би ги погодил американските граѓани и светот.
„Му реков: Немој да ги напаѓаш нафтените полиња, немој да ги гаѓаш нивните извори на гас. Ако го направиш тоа, цената на нафтата ќе отиде до небо, а целата светска економија ќе пропадне. Како претседател на САД, моја должност е да бидеме паметни и да ги заштитиме нашите интереси,“ изјави Трамп.
Линијата на Вашингтон во војната на Блискиот Исток
Иако администрацијата на Трамп цврсто стои зад правото на Израел на самоодбрана, овој потег покажува дека Белата куќа поставува јасни „црвени линии“ кога станува збор за ресурсите кои го движат светот.
„Израел има право да одговори и ние ги поддржуваме, но има начини тоа да се направи без да се предизвика глобална катастрофа. Јас му го кажав тоа многу јасно и очекувам тоа да се почитува,“ додаде претседателот.
Оваа изјава потврдува дека Трамп користи комбинација од воена поддршка и економски притисок за да го диктира темпото на конфликтот на Блискиот Исток.