Полициски службеници од ОВР Берово вчера (19 март) извршија успешен претрес во помошна просторија во Берово, при што запленија оружје и муниција. Акцијата е спроведена врз основа на наредба од Основниот суд во Кочани.
Според информациите од Министерството за внатрешни работи, просторијата била во сопственост на 38-годишниот Д.П. од Скопје, кој имал живеалиште во Берово.
При претресот, полицијата пронашла и одзела една ловечка пушка марка „ТОЗ 63“ калибар 16 милиметри, 53 ловечки патрони од истиот калибар, како и дополнителни пиротехнички средства, куршуми и реденик за патрони.
Од МВР најавуваат дека по целосното расчистување и документирање на овој случај, против 38-годишникот ќе биде поднесена соодветна кривична пријава согласно член 396 од Кривичниот законик (Недозволено изработување,држење и тргување со оружје или распрскувачки материи).