Денес на седницата на Комисијата за политички систем и односи меѓу заедниците успешно ги поминавме во прво читање два исклучително важни закони – Законот за високите раководители во јавната администрација и Законот за соодветна и правична застапеност, вели Љупчо Пренџов.
-Дополнително, Комисијата донесе одлука за организирање јавна расправа по Предлог-законот за соодветна и правична застапеност, со што овозможуваме широк и инклузивен процес во кој ќе бидат слушнати мислењата и аргументите на сите засегнати страни. Продолжуваме посветено со реформската агенда. Резултатите се видливи и препознаени. Не е случајно што Европската Унија констатира дека Македонија во овој период реализира најмногу реформи меѓу земјите од Западен Балкан, посочи тој.
Пренџов порачува: „Продолжуваме понатаму – одговорно, посветено и во интерес на граѓаните и европската иднина на државата“.