Претседателот на Владата, Христијан Мицкоски, денеска оствари официјална средба со министерот за надворешни работи на Република Литванија, Кестутис Будрис.
На средбата фокусот бил ставен на неколку клучни точки од заеднички интерес за двете земји.
Мицкоски преку социјалните мрежи информираше за деталите и темите кои биле отворени за време на разговорите со литванскиот шеф на дипломатијата.
„Денеска остварив средба со Кестутис Будрис, министер за надворешни работи на Република Литванија. На средбата разговаравме за унапредување на билатералните односи меѓу двете пријателски земји, продлабочување на политичката и економската соработка, како и за актуелните регионални и европски прашања“, соопшти премиерот.
Двајцата соговорници ја нагласиле важноста од понатамошното градење на поцврсти врски меѓу Скопје и Вилнус.
Како што потенцираше премиерот, на средбата уште еднаш била евидентирана силната заемна поддршка на европскиот пат.
„Ја потврдивме заедничката определба за натамошно јакнење на партнерството, засновано на меѓусебна доверба, соработка и заеднички вредности, со силна поддршка за европската перспектива“, истакна Мицкоски во својата објава.