Трговскиот синџир Теди во Хрватска издаде важно предупредување до своите клиенти – еден од неговите производи се повлекува.
– Ве информираме дека го повлекуваме производот „Електричен апарат за вафли, Елта“. Тестирањето покажа дека кабелот може да се прегрее, што може да биде опасно, затоа ве советуваме да не го користите производот. Апаратот беше достапен во нашите продавници од 7 април 2024 година до 3 ноември 2025 година – се наведува во известувањето.
Купувачите можат да го заменат производот или да добијат поврат од 15 евра во која било продавница на Теди.