Во Собранието денеска седници ќе одржат три комисии – Комисијата за политички систем и односи меѓу заедниците, Комисијата за надворешна политика и надворешна трговија и Законодавно-правната комисија.
На дневен ред на Комисијата за политички систем и односи меѓу заедниците и на Законодавно-правната комисија е преостанатата точка – Националната стратегија за спречување на корупцијата и судирот на интереси за периодот 2026-2030 година.
Комисијата за надворешна политика и надворешна трговија, пак, ќе ги разгледа платформите за дипломатските активности на четворица новоназначени амбасадори.
Станува збор за вонредниот и ополномоштен амбасадор во Кралството Норвешка Дритон Кучи, амбасадорот во Бугарија Крум Ефремов, амбасадорот во Кралството Шведска Мухарем Јусуфи и амбасадорот во Романија Габриел Атанасов.