Собранието на денешната 100-та седница усвои неколку стратешки важни закони, но не помина без остри дебати меѓу пратениците. Клучната точка беше Законот за Советот на јавни обвинители, кој помина со поддршка од 64 пратеници.
Додека заменик-министерот Деребан тврдеше дека се имплементирани сите европски препораки, пратеничката Соња Мираковска од НСДП обвини дека законот е фиктивна реформа.
„Овој закон не дава одговор на нашата задача од Европската унија. Немаше сериозно вклучување на опозицијата и затоа гласавме против,“ порача Мираковска.
Покрај правосудните реформи, Собранието ги изгласа и следните одлуки:
- Ратификуван е договорот за воена соработка со Република Турција.
- Прифатено е основањето на претставништво на Европската инвестициска банка (ЕИБ) во земјава.
- Зелено светло во прво читање доби формирањето на Факултет за медицински науки во Битола.
Предлогот на Левица за измени во Законот за социјално осигурување не ја доби поддршката од мнозинството пратеници.