Познат идентетот на убиецот кој среде бел ден пукаше на паркингот кај Мавровка

По Јавното обвинителство, се огласи и Министерството за внатрешни работи. Министерот Панче Тошковски објави дека полицијата сѐ уште трага по третиот осомничен, а за вториот е ослободен по распит во полиција бидејќи до овој момент не е утврдено дека бил поврзан со убиството.

Сепак, неговата објава за првпат даде детали за убиецот. Станува збор за 39-годишник со иницијали Е.К. 

-По преземени мерки и брза реакција на СВР Скопје, специјалните полициски сили, хеликоптери и дронови беше фатен и лишен од слобода сторителот на кривичните дела Е.К.(39) од Скопје. Веднаш потоа, од Единицата за насилен криминал – Одделение за крвни и сексуални деликти при СВР Скопје беа извршени увиди на местата, беа извршени разговори со сведоци како и претреси во домови на неколку локации, беа прегледани видео записи и беше извршена претрага на терен за обезбедување на материјални докази како што се возила, пиштол, чаури и други одземени предмети. Од страна на Одделот за форензички испитувања при МВР извршено е вештачење на чаури и пиштол со кое вештачење се поврзуваат двете кривични дела со сторителот Е.К, вели Тошковски..