Екипи на Територијалната противпожарна единица Кавадарци синоќа успешно извлекоа куче кое се нашло во водите на реката Луда Мара.
Интервенцијата уследила откако член на здружение за заштита на животните ја алармирал Противпожарната служба. Екипите веднаш излегле на терен и успеале да го спасат животното.
Кучето веднаш е транспортирано во стационар, каде што ќе му биде обезбедена соодветна нега и потребната медицинска помош.
За овој чин се огласи и градоначалникот Митко Јанчев, кој изрази јавна благодарност до пожарникарите за нивната храброст и посветеност.