Пожарот што рано утрово избувна во кумановската населба „Средорек“ е локализиран и целосно изгаснат, соопштија од Територијалната противпожарна единица Куманово.
Сигналот за пожарот бил примен во 05:35 часот, по што екипите интервенирале околу два часа. Според командирот на ТППЕ Куманово, Борис Станковски, огнот избувнал на локација со отпад и диви депонии.
Кумановските пожарникари утрово интервенирале и на пожар во сендвичарница на улицата „Борис Кидрич“. Во интервенцијата учествувале едно противпожарно возило и пет пожарникари.