Пожарната од Тетово доби опрема за спасување во случај на поплави

Тетовската територијална противпожарна единица денеска нова опрема која е донација од Дирекцијата за зашита и спасување до Општина Тетово.

Со оваа опрема тетовските пожарникари ќе имаат можност за поефикасно интервенирање и спасување при временски непогоди и поплави.

– Донацијата ја добивме по повод „Меѓународниот ден на пожарникарите“ од страна на Дирекцијата за заштита и спасување до Територијалната противпожарна единица-Тетово. Станува збор за работна опрема која ќе ни помоне за полесна работа при спасување при поплави-две потопни пумпи, два рефлектори и агрегат за на терен, односно со тркала. Исто така и придружи елементи за оваа опрема како црева, јажиња и друго, изјави Ука Алити, командант на тетовските пожарникари. Вредноста на целата донација е околу 20 илјади евра.