Неколку скопски општини ќе останат без струја
Прекин во снабдувањето со електрична енергија денеска ќе имаат делови од општините Аеродром, Кисела Вода и Центар, соопшти РЦУК.
Како што додаваат оттаму, во период од 09:00 до 13:00 часот, без струја ќе бидат корисниците од пат за Долно Лисиче, од Силбо до автоделови Цаки и Ливран ДОО во општина Аеродром, а во период од 08:00 до 14:00 часот, корисниците од населба Драчево, односно дел од улиците „Иван Хаџи Николов“, „Мишевска“ и „Китка“ во Општина Кисела Вода.
Од РЦУК информираат и дека прекин во снабдувањето со струја во период од 12:00 до 15:00 часот ќе имаат корисниците од улицата „Славејко Арсов“ (м.в Шербетница над Шеста управа), во Општина Центар.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
