Десетгодишно девојче е повредено во пределот на ногата од заталкан куршум во скопско Глумово. Повредите ги констатирал лекар во Клиничкиот центар „Мајка Тереза“. Случајот бил пријавен вчера околу 16 часот во СВР Скопје.
-Вчера околу 16:00 часот во СВР Скопје е пријавено дека во двор од куќа во с.Глумово, Скопско, од заталкано зрно било повредено 10-годишно девојче, во пределот на ногата, по што било пренесено во Комплексот клиники „Мајка Тереза“, каде од страна на лекар констатирани му биле тешки телесни повреди, информира МВР во денешниот полициски билтен.
Полицијата извршила увид на местото на настанот и презема интензивни мерки за откривање од каде е испукан куршумот и за целосно расчистување на случајот.