Унијата на жени на ВМРО-ДПМНЕ го потврди новиот состав на Извршниот комитет, соопшти претседателката на Унијата, Марија Митева.
Според неа, новото раководство обединува жени со богато професионално, академско, општествено и политичко искуство.
За генерален секретар е избрана Елена Ивановска, државен секретар во Министерството за образование и наука. Функцијата потпретседателки ќе ја извршуваат Ане Лашкоска, заменик-министерка за животна средина и просторно планирање, и Ленче Нелоска, директорка на Геронтолошкиот завод во Скопје.
Во составот на новиот Извршен комитет влегуваат и оперската уметница Ана Дурловска, специјалистот по дерматовенерологија Мирела Василева, новинарката Ана Шутиновска Лазаревска и етнокореологот Љупка Стефановска.
Дел од раководството се и Марија Карапанчева, Андреа Ѓошевска, Надица Андреева, Ружица Николовска, Даниела Димовска, Елена Кочоска, Ирена Алексиоска Папестиев, Маре Богева Мицовска, Наташа Јанушева, Билјана Кузманоска, Ивана Лазаревска, Дијана Илиевска, Драгана Арсова, Катерина Димитровска, Анета Марковска Илиевска, Даниела Трпеска, Марија Нацева, Бети Стаменкоска Трајкоска и Наталија Димитриева.
Од Унијата посочуваат дека новиот состав опфаќа профили од повеќе области, меѓу кои професори, лекари, правници, раководители на јавни институции, пратенички и градоначалнички.
Митева истакна дека фокусот на Унијата на жени останува врз поголемо учество на жените во јавниот и политичкиот живот, зајакнување на женското лидерство и нивна активна улога во развојот на државата.