Невреме проследено со поинтензивни процеси, пороен дожд, засилен ветер и локална појава на град попладнево ја зафати Скопската Котлина, а облачната маса брзо се движи кон западните делови од државата. Од Управата за хидрометеоролошки работи информираат дека јадра на нестабилност во моментов има и во источниот и во дебарскиот регион.
Синоптичарите излегоа со прецизни детали за насоката на движење на облачноста.
„Во Скопската Котлина има поинтензивни процеси со пороен дожд, појава на грмежи, засилен ветер и наместа појава на град. Нестабилната облачна маса е со правец на движење од исток кон запад и се движи кон Полошкиот регион“, соопштуваат од УХМР.
Паралелно со Скопје, силни врнежи и електрични празнења се регистрирани и во уште неколку поголеми градови и региони низ Македонија.
„Западно од Штип во Штипското поле и во Дебарскиот регион има поинтензивни врнежи на пороен дожд, појава на грмежи, засилен ветер и можна појава на град“, се наведува во официјалниот метео-извештај.