Во април годинава се издадени 291 одобрение за градење, што претставува пад од 38 проценти во споредба со истиот месец лани, соопшти Државниот завод за статистика.
Најголем број одобренија се издадени во Полошкиот регион – 83, по што следуваат Скопскиот со 72, Југозападниот со 32, Источниот со 28, Југоисточниот со 26, Пелагонискиот со 24 и Североисточниот регион со 3 одобренија.
Според податоците, вкупната предвидена вредност на објектите изнесува 4.577.429.000 денари, што е намалување од 41,8 проценти во однос на истиот период лани.
Од вкупно издадените одобренија, 208 (71,5 проценти) се однесуваат на високоградба, 27 (9,3 проценти) на нискоградба, а 56 (19,2 проценти) на реконструкции.
Во однос на инвеститорите, 197 објекти (67,7 проценти) се во сопственост на физички лица, додека 94 (32,3 проценти) се реализирани од деловни субјекти.
Во извештајниот период е предвидена изградба на 722 станови со вкупна корисна површина од 65.663 квадратни метри. Најмногу станови се планирани во Скопскиот регион – 261, потоа Југозападниот со 154, Вардарскиот со 138, Полошкиот со 107, Источниот со 39 и Пелагонискиот со 11 станови.