Половина од популацијата во Израел вакцинирана со првата доза- 35% добија „зелени приопусници“ за патување
Израел вакцинираше скоро 50 проценти од своите 9,3 милиони жители со една доза вакцина против ковид19 - изјави денеска израелскиот министер за здравство Јулиус Еделштајн.
Во тој број има и Палестинци од источен Ерусалим, кои беа вклучени во кампањата за имунизација што започна на 19 декември.
Палестинците во окупираниот Западен брег и Појасот Газа не се дел од израелската кампања, пренесува Ројтерс.
Еделштајн рече дека 35 проценти од израелското население ги примиле двете дози на вакцината Фајзер и ја добиле таканаречената „зелена пропусница“, што им овозможува пристап до места за забава што земјата постепено ги отвора.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
