70 санкции во акциска контрола на Мобилната единица за безбедност на сообраќајот на патиштата при Секторот за сообраќајни работи и ПО за СЕО за санкционирање на возачи на мотоцикли, четирицикли и електрични тротинети, кои не ги почитуваат правилата, шест лица лишени од слобода за „безобѕирно управување”
На 05.07.2026 во периодот од 17:00 до 23:00 часот, Мобилната единица за безбедност на сообраќајот на патиштата при Секторот за сообраќајни работи и Одделението за сообраќајно и ескортно обезбедување спроведоа акциска контрола на подрачјето на град Струмица, со цел санкционирање на возачи на мопеди, мотоцикли, четирицикли и електрични тротинети, кои не ги почитуваат сообраќајните правила и прописи.
При контролата изречени се вкупно 70 мерки за сторени сообраќајни прекршоци и кривични дела. Од нив, една мерка за возач на тротинет, пет мерки за измината важност на сообраќајна дозвола на мотоцикл, 31 мерки за возачи кои управуваат мотоцикл без заштитен шлем (кацига), три мерки за несоодветна категорија, три мерки за неистакната регистарска таблица итн. Откриени се шест кривични дела, од кои едно малолетно лице, и истите се лишени од слобода за сторено кривично дело по член 297-а од Кривичниот законик „безобѕирно управување со моторно возило“, Одземен е и еден мотоцикл за измината важност на сообраќајната дозвола повеќе од шест месеци по член 344 од ЗБСП. За сите сторители изготвени се соодветни поднесоци.
Сообраќајните контроли продолжуваат и во наредниот период. Апелираме до сите учесници во сообраќајот доследно да ги почитуваат сообраќајните правила и прописи. Само со одговорно однесување можеме заеднички да придонесеме за побезбедни патишта