Полициската управа Данелан објави фотографии од својата „специјална единица“ на социјалните мрежи, на кои се гледа полицаец облечен во камуфлажно одело што наликува на зелена грмушка, додека држи двоглед.
„Дали денес ја забележавте нашата „грмушка“? Ако главата ви беше наведната на телефонот, веројатно не сте ја забележале“, напиша полицијата во својата објава.
Од полициската управа објаснија дека специфичната сообраќајна контрола била спроведена во мошне прометен дел од центарот на градот, каде што секојдневно минуваат голем број пешаци.
За време на шестчасовната акција, полициските службеници издале вкупно 74 казни на возачи кои користеле мобилни телефони додека управувале со возилото.
„Нека ова ви биде потсетник: пораката или известувањето може да почека. Држете ги очите на патот, а не на екранот“, соопшти полицијата.
Според законските одредби во оваа јурисдикција, глобите за користење телефон за време на возењето започнуваат од 200 долари. За лицата кои го повторуваат прекршокот, казната може да достигне и до 600 долари.
Дополнително, за возачите кои истата грешка ќе ја направат трипати, предвидена е санкција одземање на возачката дозвола во времетраење до 90 дена.