Снегот што паѓа во Хрватска од вчера предизвика хаос и проблеми во сообраќајот, а во некои делови од земјата е забележана снежна покривка поголема од 60 сантиметри.
Снегот ја покри речиси целата земја, а разликите меѓу градовите се огромни – додека некои едвај видоа снегулки, други се разбудија под бело ќебе.
Најмногу снег е измерен во Завижан, каде што наврнаа дури 61 сантиметар снег, што го прави апсолутен рекордер за овој снежен бран во Хрватска. Следни се Госпиќ со 51 сантиметар, Парг-Чабар со 49 см и Пунтијарка со исто така импресивни 49 см снежна покривка, објавува DHMZ, како што објави 24sata.
Она што треба да се истакне како важна информација е дека дел од автопатот А1 е затворен. Според властите, поради урагански ветрови и снег, делот помеѓу раскрсниците Свети Рок и Поседарје е затворен за сите групи возила. Заобиколните патишта за автомобили се преку Карин, Обровац и Грачац и обратно. Нема алтернативни патишта за сите други групи возила.
Врнежи од снег низ целата земја
Горски Котар повторно го оправда својот углед како „најзимски дел од Хрватска“ – Делниче беше покриено со 38 см, Огулин со 39, додека Карловац регистрираше дури 29 см снег.
Контитална Хрватска, исто така, не помина без сериозно снежно утро. Загреб беше покриен со бело во сите делови, на Максимир беа измерени 24 см, на Грич 22 см, додека на аеродромот Фрањо Туѓман регистрираше дури 29 см снег. Вараждин е покриен со 24 см снег, Копривница 25 и Крижевци 23 см.
Во Славонија, снегот беше малку поблаг, но сепак значаен – Ѓаково имаше 21 см, Бјеловар 19, Славонски Брод 14, додека Осиек остана на поскромни 10 до 12 сантиметри снег.
Од друга страна, Јадранот помина речиси без зима. Пула забележа само 2 до 3 см, Сењ 3 см, а Книн само 2 см снег.