Во рамки на активностите за одбележување на „Розов октомври“, министерот за здравство Сашо Клековски денеска ќе престојува во Клиничката болница во Штип, каде што ќе биде отворен нов мултидисциплинарен кабинет за дојка.
Од Министерството за здравство посочуваат дека отворањето е дел од иницијативите за подигнување на јавната свест за раното откривање на ракот на дојка, како и за важноста на навремената дијагностика.
По посетата, министерот Клековски ќе даде изјава за медиумите.