Ретроградниот Меркур повторно стапува на сцена (од денес, 26 февруари, до 20 март), и тоа во мистериозниот знак на Риби.
Ова е првиот од трите овогодишни ретроградни циклуси, а периодот што следи носи зголемена чувствителност, силна интуиција, но и сериозен хаос во комуникацијата
Стопирајте ги потписите и големите набавки!
Меркур е планета на логиката, разумот, сообраќајот и договорите. Кога ќе тргне „наназад“, работите почнуваат да се комплицираат. Во знакот на Риби, симболот на соништата и илузиите, рационалноста на Меркур слабее.
Слободно очекувајте недоразбирања, доцнења на важни одговори, технички проблеми со компјутерите и телефоните, погрешни информации и заборавени обврски.
Но и внимавајте на паричникот! Ова НЕ Е поволен период за потпишување важни договори, започнување нови бизнис проекти или купување скапа техника. Постои огромна веројатност подоцна горко да се каете или да морате сè да преправате.
Враќање на „духовите“ од минатото
Не се изненадувајте ако деновиве на вашиот екран светне порака од бившиот партнер или стар пријател со кој одамна не сте во контакт.
Ретроградниот Меркур често враќа луѓе од минатото со причина – за да се разјаснат нерасчистените ситуации и конечно да се затворат поглавјата што останале отворени.
Кој е најмногу загрозен?
Овој транзит најсилно ќе го почувствуваат променливите знаци:
РИБИ: Ќе го преиспитуваат својот идентитет и лични цели.
ДЕВИЦА: Можни се сериозни кризи и недоразбирања во љубовните врски.
БЛИЗНАЦИ: Хаос на работното место и проблеми со кариерата.
СТРЕЛЕЦ: Избиваат на површина стари семејни проблеми и теми поврзани со домот.
Шкорпиите и Раковите ќе имаат засилена интуиција, додека Овните, Лавовите, Вагите и Водолиите ќе бидат најмногу фрустрирани од општото забавување на нештата.
Како да преживеете?
Бидете трпеливи. Проверувајте ги пораките двапати пред да ги испратите и задолжително направете „back-up“ на важните податоци.
Наместо да се нервирате поради хаосот, прифатете го ова како време за внатрешно чистење. Понекогаш е потребно малку да се изгубите, за да го пронајдете вистинскиот пат.