Починато машко лице пронајдено на патот Скопје - Блаце

На 30.03.2023 вo 23.45 часот било пријавено дека на магистралниот пат Скопје-Граничен премин Долно Блаце во близина на клучка Стенковец било пронајдено починато машко лице кое било удрено од моторно возило.

Од страна на лекар од Итната медицинска помош констатирана била смрт. Извршен бил увид од Јавен обвинител и увидна екипа од СВР Скопје, а по наредба на Јавен обвинител телото на починатиот било предадено во Институтот за судска медицина за обдукција.

Се превземаат мерки за утврдување на идентитетот на лицето и целосно расчистување на случајот.

Според неофицијални информации станува збор за мигрант.