На 59-годишна возраст почина Марк Брновиќ, поранешниот државен обвинител на Аризона и истакната фигура во американскиот правосуден систем. Веста за неговата смрт ја потврди неговото семејство, кое изрази длабока тага за загубата на, како што велат, грижливиот татко, сопруг и застапник за правдата.
Брновиќ е роден во Детроит во 1966 година во семејство на српски доселеници од поранешна Југославија (татко од Црна Гора и мајка од Сплит). Во јавноста беше препознаен како 26-ти државен обвинител на Аризона, а неговото име стана актуелно и во регионот кога Доналд Трамп минатата година го номинираше за амбасадор на САД во Србија. Номинацијата подоцна беше повлечена, а Брновиќ тврдеше дека зад тоа стои „длабоката држава“.
Причината за смртта на Брновиќ засега не се соопштува, а семејството побара приватност до објавувањето на деталите за комеморацијата.