Мери Џо „Ем-Џеј“ Шенон, мајката на Крис Џенер и баба на сестрите Кардашијан-Џенер, почина на 91-годишна возраст. Тажната вест ја соопшти Крис Џенер преку објава на Инстаграм, каде што со емотивни зборови се прости од својата мајка.
„Денес се простивме од мојата прекрасна мајка Ем-Џеј. Нема зборови што можат да опишат колку ми значеше или колку боли ова збогување. Таа беше срцето на нашето семејство. Ме научи дека семејството е најважно, дека треба безусловно да сакаме и никогаш да не земаме ниту еден заеднички момент здраво за готово“, напиша Џенер.
Таа додаде дека засекогаш ќе ѝ недостигаат секојдневните разговори со мајка ѝ, нејзината насмевка и смеа.
Мери Џо Шенон беше добро познато лице за љубителите на реалното шоу „Во чекор со семејството Кардашијан“ („Keeping Up With the Kardashians“), каде што често се појавуваше заедно со членовите на своето семејство.
Во 1980 година ја основала детската продавница „Shannon & Co.“ во Сан Диего.
Крис Џенер имала само седум години кога нејзините родители се развеле. Неколку години подоцна, нејзината мајка се омажила за бизнисменот Хари Шенон, со кого поминала четири децении во брак, сè до неговата смрт во сообраќајна несреќа во 2003 година.