Чичко Драги, кој сите скопјани го паметат по неговата мала тезга на Рекорд во центарот на Скопје, почина на 72-годишна возраст по долго боледување.
Поради здравствени проблеми го имаше изгубено гласот, па со луѓето комуницираше пишувајќи на лист хартија. Секогаш седеше покрај својата тезга со ластичиња, шноли, ланчиња и се грижеше за десетината кучиња со кои живееше – колку имаше за себе, толку имаше и за нив.
Пред три месеци беше покренат апел за помош за неговото лекување и купување храна за кучињата. Минатиот месец, преку својот Фејсбук профил, им се заблагодари на граѓаните за донациите, напишувајќи: „Ветувам дека од болница ќе излезам посилен“.
Нека почива во мир.