Српската диригентка, текстописец и гласовна актерка Биљана Брун почина, а веста го остави регионот во тага.
Во текот на својата богата кариера беше диригентка на детскиот хор „Чаролија“, кој го водеше заедно со Леонтина Вукомановиќ. Се занимаваше и со синхронизација, позајмувајќи го својот глас на ликови во повеќе анимирани филмови. Од 2016 година пишуваше и текстови за песните во синхронизираните верзии на анимираните филмови на „Дизни“.
Зад себе ги остави своите две деца, Никола и Ива Брун.
Леонтина Вукомановиќ се огласи на социјалните мрежи за смртта на соработничката и пријателката, и ја извести јавноста за времето и местото на последното збогување.
-„Ги известуваме пријателите дека опелото и последното збогување со нашата драга Биљана ќе се одржат во среда, на 5 август, во 9 часот, на Новите гробишта, во капелата за кремација. Ве молиме да дојдете неколку минути порано за да му изразите сочувство на семејството“, напиша Леонтина.