Во текот на изминатата ноќ, полицијата спроведе засилени контроли во неколку градови, при што од сообраќај се исклучени и лишени од слобода четири лица поради управување возило под дејство на алкохол. Против сите ќе бидат поднесени кривични пријави за „безобѕирно управување со моторно возило“.
Најтешкиот инцидент се случил во Охрид. Утрово во 02:55 часот, уапсен е Л.С. (52) откако на пресекот на кеј „Македонија“ со улица „Јане Сандански“, управувајќи „Нисан“, удрил во „Голф“. Полицијата кај него измерила неверојатни 2,48 промили алкохол во крвта.
Активно било и во Велес, каде се уапсени двајца возачи за помалку од еден час. Прво, во 23:50 часот, на ул. „Алексо Демниевски“ е сопрен З.Ј. (45) со „Хјундаи“, кај кого се измерени 1,52 промили. Потоа, во 00:35 часот на ул. „Гоце Делчев“, лишен од слобода е П.Ј. (54) кој управувал „Форд“ со 1,90 промили алкохол.
Во исто време (00:35 часот), но во Штип, полицијата го уапсила 23-годишниот Б.П. од Македонска Каменица. Тој бил запрен на ул. „Гоце Делчев“ со возило „Ауди“, а алкотестот покажал 1,78 промили.