Пратеникот на ВМРО-ДПМНЕ, Бране Петрушевски, на денешната прес-конференција истакна дека додека власта работи на подобрување на условите во државата и остварување меѓународни активности, во опозициската партија владее целосен хаос и внатрешни поделби.
Според него, премиерот Христијан Мицкоски остварува динамична агенда во САД насочена кон нови инвестиции, стратешки партнерства и евроинтеграциите, додека во СДС се случуваат судири меѓу актуелното раководство и поранешни функционери.
„Се додека за Филипче само другите се виновни, СДС тешко дека може да се извлече од дното“, порача Петрушевски.
Тој отфрли какви било обвинувања дека власта се меша во внатрешните работи на опозицијата, нагласувајќи дека фокусот на ВМРО-ДПМНЕ останува исклучиво на реализација на реални проекти во интерес на граѓаните и државата.