Во Пустец денеска ќе се одржи Македонскиот фолклорен фестивал „Преспа 2026“, посветен на македонската традиција, култура и фолклор.
Фестивалот ќе се одржи на плоштадот „Гоце Делчев“, со почеток во 18 часот, а е во организација на Македонското друштво „Преспа“, Здружението „ВМРО-ДПМНЕ Албанија“ и Општина Пустец, под покровителство на премиерот Христијан Мицкоски.
На програмата се најавени настапи на културно-уметнички друштва и фолклорни групи од различни делови на Македонија, како и од Егејска, Пиринска Македонија и Мала Преспа.
Посетителите ќе имаат можност да проследат македонски ора, песни и традиционални носии, а како дел од музичката програма ќе настапат и Блага Петревска и Круме Спасовски.
Манифестацијата годинава се одржува под мотото „Македонија обединува“, со порака дека преку песната, орото и традицијата се негуваат и зачувуваат македонските културни корени.