УХМР ги измери температурите во Македонија во 11 часот претпладнево. Попова Шапка со 19 степени е местото каде е измерена најниска температура, додека Гевгелија, Зајчев Рид, Виница и Велес се рекордери со 34 степени.
Во Скопје се измерени 32 степени во 11 часот.
Денеска времето ќе биде сончево и многу топло, со мала до умерена облачност. Ќе дува слаб до умерен, а на места повремено засилен ветер од северен правец.
Минималната температура ќе се движи од 14 до 23 степени, додека максималната ќе достигне од 32 до 40 степени.
Во Скопје ќе преовладува сончево и многу топло време со мала до умерена облачност. Ќе дува слаб до умерен, а во делови од котлината повремено засилен северен ветер. Минималната температура ќе се спушти до 19, а максималната ќе достигне 38 степени.
Според прогнозата на УХМР, утре и задутре на места се очекува нестабилно време со пороен дожд, засилен ветер и појава на грмежи.